Usko juda huwe bhi zamaana bohot huwa
Ab kya kahain ye kissa, puraana bohot huwa
Dhalti na thi kisi bhi jatan se shab-e-firaq
Ay marg-e-nagaahaan tera aana bohot huwa
Hum khuld se nikal to gaye hain par ay khuda
Itne se vaakiye ka fasaana bohot huwa
Ab hum hain aur saare zamaane ki dushmani
Usse zara rabt barhaana bohot huwa
Lo phir tere labon pe ussi bewafa ka zikr
ahmed "faraz" tujhse kaha na, bohot huwa
No comments:
Post a Comment